व्हिडिओ एडिटिंगसाठी आज अनेक सॉफ्टवेअर्स उपलब्ध आहेत. यात काही हाय एंड, प्रोफेशनल व्हिडिओ एडिटर्स आहेत, ज्यांचा वापर करण्यासाठी खूप शक्तिशाली कॉम्प्युटर्स, स्पेशल ग्राफीक हार्डवेअर यांची आवश्यकता असते. यांचे रीतसर, दीर्घ प्रशिक्षण घ्यावे लागते. याच बरोबर काही कन्झ्युमर श्रेणीमधील सॉफ्टवेअर पण उपलब्ध आहेत, जी वापरायला सोपी आहेत मात्र प्रोफेशनल लूकिंग, स्टायलिश व्हिडिओज तयार करण्यासाठी आवश्यक फीचर्सची त्यांच्यात कमतरता असते. यामुळे प्रभावशाली व्हीडिओज तयार करण्यात खूप मर्यादा येतात. फिल्मोरा हे सॉफ्टवेअर प्रोफेशनल फीचर्स आणि कन्झ्युमर श्रेणीतील किंमत आणि सोपेपणा यामुळे "प्रोझ्युमर" या विशेष श्रेणीमध्ये आहे. व्हिडिओ एडिटिंग मधला तांत्रिक रुक्षता आणि किचकटपणा टाळून कमी वेळात आणि कमी श्रमात व्हिडिओ एडिटिंग करण्यावर फिल्मोरा मध्ये भर देण्यात आला आहे. त्यामुळे 'फीचर रिच' आणि स्टायलिश व्हीडिओज तयार करणे आता सर्वांना सहज शक्य आहे. या मुळेच यूट्यूब, फेसबुक इन्स्टाग्राम अशा सोशल मीडिया प्लॅटफॉर्म साठी आणि डिजिटल मार्केटिंग साठी व्हिडिओ निर्मिती करणारे भारतीय व्हिडिओ मेकर्स आज फिल्मोराचा उपयोग प्राधान्याने करत आहेत.