माझ्या मिस्टरांचा कॉम्प्युटर आणि प्रिंटिंग व्यवसाय आहे. आमच्याकडे वेडिंग कार्डस्, विझिटिंग कार्डस्, ब्रोशर्स, बॅनर डिझाईन अशी कामे केली जातात परंतु यांचे डिझाईन आम्ही बाहेरून करून घेत होतो. यामुळे आम्हाला डिझाईन साठी वेगळे पैसे दयावे लागत होते. आपण स्वतः एखादा ग्राफिक्स डिझाईन कोर्स करावा अशी खूप दिवसांची इच्छा होती पण तेवढा वेळ मिळत नव्हता आणि आमचा ग्रामीण भाग असल्यामुळे बाहेरगावी कोर्स करायला जाणे परवडत नव्हते. एक दिवस फेसबुक वर स्वयम् लर्नची जाहिरात बघितली आणि सरांना कॉल केला. २०१८ मध्ये आम्ही स्वयम् लर्नचा फोटोशॉप आणि कोरल ड्रा कोर्स घेतला आणि काही दिवसांतच पूर्ण सुद्धा केला. श्री सदानंद कुलकर्णी सरांची शिकवण्याची पद्धत खूप सोपी आणि सहज समजेल अशी आहे. मुख्य म्हणजे फी सुद्धा अगदी कमी आहे. या कोर्स मध्ये डिझायनिंग अगदी डीटेल्ड शिकवले असल्याने माझ्यात आत्मविश्वास निर्माण झाला. आता आमच्या प्रिंटिंग व्यवसायासाठी लागणाऱ्या सगळ्या डिझाईन्स मी करते. यामुळे आमच्या व्यवसायाला खूप फायदा झाला. मी आता माझ्या मिस्टरांच्या व्यवसायात आत्मविश्वासाने मदत करते आहे.